தேவையான பொருட்கள்:
உருப்படாம சுத்துற ஹீரோவும் அவருடைய உதவாக்கரை நண்பர்களும் ஒரு கட்டு. ஹீரோவை உபதேசித்து கரைசேர்க்கும் அழகிய காதலி. மனநல மருத்துவரின் அப்பாயின்மென்ட்.
செய்முறை :
அடுத்த ஆறு மாதங்களுக்கு பீர் பாட்டிலில் பீறிடும் உறவாடும் நண்பர்களை ஒண்டுக் குடித்தன அறை ஒன்றில் போட்டு அடைக்க வேண்டும். உதவாக்கரை நண்பனை பார்க்க வரும் காதலியை ஹீரோ முதலில் பார்க்கும் போது அவளை பிடிக்காத வகையில் ஹீரோவை எண்ணெயில் கடுகு அள்ளி போட வேண்டும்.
ஹீரோவின் அப்பா ஹீரோவும் பரஸ்பரமாக சண்டை புரிந்துகொள்ளும்படி எண்ணெய் ஊற்றவும். முதலில் முட்டிக்கொண்ட ஹீரோவோடு, பிறகு ஹீரோயினை காதல் மிக்ஸியில் போட்டு சுத்த விட வேண்டும். காதல் சூடு ஏற ஏற ஏற்கனவே அரை குறையாக இருக்கும் ஹீரோவின் மனநிலை காதலுக்கு மாற வேண்டும்.
யுவன் சங்கர் ராஜாவையோ ஜி.வி.பிரகாஷையோ பின்னணியில் அழ விட வேண்டும். மனநல மருத்துவரின் ஆலோசனைப்படி ஹீரோ பெரிய ஆளானதும் பாத்திரத்தை அடுப்பிலிருந்து இறக்கி வைத்து விட்டு அதற்கு பதிலாக நாம் விசில் அடிக்க வேண்டும்.