IPL 2023 : Chris Gayle சாதனையை முறியடித்த Virat Kohli !

ஐபிஎல் கிரிக்கெட் போட்டிகளில் அதிக சதம் அடித்த வீரர் என்ற சாதனையை விராட் கோலி படைத்துள்ளார்.

நடப்பு ஐபிஎல் தொடரின் நேற்றைய போட்டியில் குஜராத் அணியும் பெங்களூரு அணியும் மோதின. இப்போட்டியில், குஜராத் அணி வெற்றிப்பெற்று, பெங்களூரு அணியின் ப்ளே-ஆஃப் கனவைத் தகர்த்தது.

இப்போட்டியில், விராத் கோலி சதம் அடித்தார். இந்த சதத்துடன் சேர்த்து மொத்தமாக 7 சதங்களை பதிவு செய்துள்ளார் கோலி. இதன் வழியாக, மேற்கிந்திய வீரர் கிறிஸ் கெயிலின் சாதனையை கோலி தகர்த்துள்ளார். கிறிஸ் கெயில் மொத்தம் 6 சதங்களை அடித்துள்ளார்.

நடப்பு ஐபிஎல் தொடரில் விராட் கோலி 14 போட்டிகளில் விளையாடி, 639 ரன்களை அடித்துள்ளார். பேட்டிங் சராசரி 53.25, 65 பவுண்டரி மற்றும் 16 சிக்ஸர்களை பதிவு செய்துள்ளார். 2 சதம் மற்றும் 6 அரை சதங்கள் இதில் அடங்கும்.

கடந்த 2008 சீசன் முதல் நடப்பு சீசன் வரையில், ஐபிஎல் கிரிக்கெட் போட்டிகளில் ஒட்டுமொத்தமாக 7,263 ரன்கள் குவித்துள்ளார். 2016 ஆம் ஆண்டு நடந்த தொடரில் 4 சதங்கள், 2019 இல் 1 சதம், 2021 இல் 2 சதங்கள் என மொத்தம் 7 சதங்களை கோலி அடித்துள்ளார்.