*சமயங்களில் குளிக்கும்போதே வியர்க்கும். இதைத் தவிர்க்க, குளிப்பதற்கு ஒருமணி நேரத்துக்கு முன்பே பக்கெட்டில் தண்ணீர் பிடித்துக்கொள்ளவும்.
* கோடைக்காலத்தில் ஜூஸ் குடிப்பது நல்லதுதான். ஆனால் சாலையோரக்கடைகள், குறைந்த விலையில் ஜூஸ் விற்கும் கடைகளில் குடிப்பது மிகவும் நல்லது. நீங்கள்பாட்டுக்கு ஒரு லெமன் ஜூஸ் 200 ரூபாய் என்று பில் தீட்டும் கடையில் குடித்தால், ஜூஸ் குடித்தபிறகுதான் உங்களுக்கு அதிகம் வியர்க்கும்.
* வியர்வை கசகசக்க மொட்டை வெயிலில் பைக்கில் பயணம் செய்பவரா நீங்கள்? அப்படியென்றால் காதில் ஹெட்போனை மாட்டி 'மலையிலதான் தீப்பிடிக்குது ராசா' பாடலை ரிப்பீட் மோடில் கேட்டபடி பயணியுங்கள். மலையிலதான் தீப்பிடிக்குதா, வெய்யிலில் உங்கள் உடம்பில்தான் தீப்பிடிக்குதா என்று உங்களுக்கே தெரியாது.
* நீங்கள் கண்ணாடி அணிபவர் என்றால் அவ்வப்போது பாட்டில் தண்ணீரில் கண்ணாடியைக் கழுவி அணிந்துகொண்டால் கூலிங்கிளாஸ் எபெக்ட் கிடைக்கும்.
* வெய்யிலில் இருந்து உடலின் மற்ற பாகங்களைப் பாதுகாப்பதைப் போலவே கண்களையும் பாதுகாக்க வேண்டியது முக்கியம். எனவே அவ்வப்போது குளிர்ச்சியான ஐஸ்வர்யா ராய் படங்களைப் பார்க்கவும்.
- கூல் கய்