இன்ஸ்டாகிராமில் பல ஸ்டண்ட்களை செய்த ரெமி எனிக்மா என்பவர் 721 அடி உயரத்திலிருந்து கீழே விழுந்து உயிரிழந்தார். இவர் எப்போதும் போல உயரமான கட்டிடத்தில் இருந்து ஸ்டன்ட் செய்யும் போது இச்சம்பவம் நடந்துள்ளது.
உயரம் என்றால் பயப்படாமல் துணிச்சலாக ஸ்டன்ட் செய்து புகைப்படங்கள் மற்றும் உயரமான கட்டிடங்களின் வீடியோக்களை எடுக்கும் ரெமி எனிக்மாவின் வீடியோக்கள் மற்றும் புகைப்படங்களுக்கு பல ரசிகர்கள் இன்ஸ்டாகிராமில் உள்ளனர்.
30 வயதான இவர் பல உயரமான கட்டிடங்களில் நின்று வீடியோக்கள் எடுத்துள்ளார். த்ரில்-சீக்கர் கட்டிடங்கள், கிரேன்கள், பாலங்கள் போன்ற உயரமான கட்டிடங்களை மிகவும் அசாதாரணமாக ஸ்டண்ட் செய்தே அளவிடுவார்.
இவரது ஸ்டன்ட் வீடியோக்கள் அனைத்தும் பார்ப்போரின் இதயத்தை ஒரு நிமிடம் நிறுத்தி வைக்கும். ஏனென்றால் அவ்வளவு அருமையாக உயரத்தில் இருந்து வீடியோக்கள் மற்றும் புகைப்படங்கள் எடுத்துள்ளார்.
ரெமி எனிக்மா ஹாங்காங்கில் உள்ள ஒரு உயர்ந்த கட்டிடத்தில் இருந்து தவறி விழுந்து உயிரிழந்தார். லூசிடி ஹாங்காங்கின் மிட்-லெவல்ஸ் பகுதியில் தரையிலிருந்து 721 அடி உயரத்தில் 68-அடுக்கு ட்ரெகுண்டர் கோபுரத்தில் ஏறும்போது தான் இந்த சம்பவம் நடந்துள்ளது.
உலகெங்கிலும் உள்ள உயரமான கட்டிடங்களின் கோபுரங்களில் அச்சமின்றி ஸ்டன்ட் செய்து வியக்க தக்க புகைப்படங்கள் மற்றும் வீடியோக்கள் எடுத்துள்ளார். இவர் சாதாரணமாக எந்தவொரு பாதுகாப்புமின்றி 980 அடி வரை ஸ்டன்ட் செய்துள்ளார்.